Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha
पुणे, दि. १६
ऑगस्ट २०२५ (Checkmate Times): १५ ऑगस्ट स्वातंत्र्यदिनाच्या
निमित्ताने सर्वत्र “ड्राय डे” असतो, याचाच अर्थ रात्री १२ नंतर मद्य विक्री करण्यास कोणालाही परवानगी नसते.
मात्र असे असताना देखील पुण्यातील अनेक पबमध्ये रात्री १२ नंतर मद्य विक्री
केल्याप्रकरणी गुन्हे दाखल करण्यात आले आहेत. त्याचबरोबर वारजे माळवाडी पोलीस
स्टेशनच्या हद्दीत देखील “ड्राय डे” चे
उल्लंघन करून
ब्लॅक ने दारू विकणाऱ्या वाईन शॉपच्या ३ जणांवर गुन्हा दाखल करण्यात आला आहे.
ड्राय डे असताना देखील मद्य विक्री केल्याप्रकरणी पुण्यातील पबवर कारवाईचा
बडगा उगारला आहे. १४ ऑगस्ट च्या रात्री १२ नंतर अर्थात १५ ऑगस्ट च्या पहाटेच्या १.३०
वाजेपर्यंत विविध पबमध्ये पार्ट्या सुरु होत्या. या पार्श्वभूमीवर राज्य उत्पादन
शुल्क विभाग तसेच पुणे पोलिसांच्या गुन्हे शाखेकडून कारवाईचा बडगा उगारण्यात आला.
यामध्ये कल्याणीनगर, विमाननगर तसेच बंडगार्डन परिसरातील आकाई, मीलर्स, बी एच के, गेम पलासियो, बॉलर यासारख्या
प्रसिद्ध पबवर ही कारवाई करण्यात आली आहे. अचानकपणे केलेल्या या कारवाई नंतर
अगोदरच या सगळ्या पब संस्कृतीला वैतागलेल्या पुणेकरांनी आणि विशेषतः या भागातील
रहिवाश्यांनी या कारवाईचे स्वागत केले आहे. तर “दर आठवड्याच्या शनिवारी आणि
रविवारी ‘ड्राय डे’ ठेवला तरी स्वागत आहे” अशा प्रकारच्या भावना व्यक्त केल्या जात
आहेत.
तर वारजे माळवाडी पोलीस स्टेशनच्या हद्दीतील मुख्य एनडीए रस्त्यावर
असलेल्या “स्वस्तिक वाईन्स” मधील काहीजण त्याच्या जवळच असलेल्या एका गल्लीत “ड्राय
डे” चे उल्लंघन करून ब्लॅक ने दारू विकत असल्याची माहिती वारजे पोलिसांना
मिळाली होती. या माहितीवरून वारजे माळवाडी पोलीस स्टेशनचे वरिष्ठ पोलीस निरीक्षक
विश्वजित काईंगडे, पोलीस निरीक्षक निलेश बडाख यांच्या मार्गदर्शनाखाली महिला पोलीस
उपनिरीक्षक दिपाली लुगडे, पोलीस अंमलदार सुनील मुठे, युवराज कोंढाळकर, विष्णू जाधव
यांच्या पथकाने माहिती मिळालेल्या ठिकाणी धाव घेतली. यावेळी करण क्लॅरिसा
सोसायटीच्या गल्लीत एकजण संशयितरीत्या उभा असल्याचे
आढळून आले. त्याच्याकडे चौकशी करत, त्याच्या हातातील कापडी पिशवीची झडती घेतली
असता, त्याच्याकडे ४० क्वार्टर दारू मिळून आली, ती जप्त करण्यात आली आहे.
यावेळी त्याच्याकडे चौकशी केली असता, तो उडवाउडवीची उत्तरे देऊ लागला. यानंतर
त्याला विश्वासात घेऊन चौकशी केली असता, त्याने आपले नाव गणेश हंसराज मोरे (वय
३१ वर्षे, रा. नऱ्हे, धायरी, पुणे) असल्याचे सांगितले आणि
सदरील दारू ब्लॅक
ने विकत असल्याचे समोर आले आहे. तर “स्वस्तिक वाईन्स” चे देविदास
विनायक राठोड आणि भाऊ कदम हे गणेश मोरे याच्याकडे ५० ते १०० बाटल्या दारू
विक्रीसाठी देतात आणि त्या विकून येणारा नफा आपसात वाटून घेत असल्याचे पोलिसांच्या
तपासात पुढे आले आहे. यावरून या तिघांवर वारजे पोलिसात गुन्हा दाखल करण्यात आला
असून, महिला पोलीस उपनिरीक्षक दिपाली लुगडे पुढील तपास करत आहेत.
वरील वृत्त खाली लिंक जोडलेल्या
आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर
जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या
भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा !
तुमच्या फेसबुक / ट्विटर वर टाकून आम्हाला tag करा. खालील
लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा
https://linktr.ee/checkmatetimes?utm_source=linktree_profile_share
