Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha
पुणे, दि. ४
ऑगस्ट २०२५ (Checkmate Times): आगामी सणांच्या पार्श्वभूमीवर पुणे शहर पोलीस
आयुक्तांनी शहरातील सर्व पोलीस स्टेशनच्या हद्दींमध्ये विना परवाना अग्निशस्त्र बाळगणाऱ्यांवर
कारवाई करण्याबाबत आदेश दिलेले आहेत. त्या अनुषंगाने नांदेडसिटी पोलीस स्टेशनचे
वरिष्ठ पोलीस निरीक्षक अतुल भोस यांचे मार्गदर्शनाखाली नांदेड सिटी पोलिसांचे पथक
हद्दीत गस्त घालत होते. यावेळी एक रेकॉर्ड वरील गुन्हेगार कोल्हेवाडी बस स्टॉप
येथे थांबलेला आहे आणि त्याच्याकडे अग्निशस्त्र असल्याची माहिती, पोलीस अंमलदार प्रतिक
उर्फ बंटी मोरे व स्वप्नील मगर यांना गोपनीय बातमीदारामार्फत मिळाली.
याबाबत
माहिती मिळताच, पोलीस आयुक्त अमितेशकुमार, सह पोलीस आयुक्त श्री.
रंजनकुमार शर्मा, अपर पोलीस आयुक्त (पश्चिम प्रादेशिक विभाग)
राजेश बनसोडे, परिमंडळ ३ चे पोलीस उप आयुक्त संभाजी कदम,
सिंहगड रोड विभागाचे सहाय्यक पोलीस आयुक्त अजय परमार यांचे आदेशावरून
नांदेडसिटी पोलीस स्टेशनचे वरिष्ठ पोलीस निरीक्षक अतुल भोस, पोलीस
निरीक्षक (गुन्हे) गुरुदत्त मोरे यांचे मार्गदर्शनाखाली सहायक पोलीस निरीक्षक
राहुल यादव, पोलीस अंमलदार संग्राम शिनगारे, राजु वेगरे, प्रतिक मोरे, स्वप्नील
मगर, मोहन मिसाळ, शिवा क्षीरसागर,
भिमराज गागुर्डे, उत्तम शिंदे, निलेख कुलथे, अक्षय जाधव, सतिश
खोत यांच्या पथकाने कोल्हेवाडी बस स्टॉप येथे सापळा रचून संशयिताला ताब्यात घेतले.
यावेळी
त्याची अंगझडती घेतली असता, त्याचेकडुन एक गावठी बनावटीचे पिस्टल व एक जिवंत
काडतुस असा ३५ हजार ५०० रुपयांचा मुद्देमाल मिळुन आला आहे. त्याला विश्वासात घेऊन,
त्याच्याकडे चौकशी केली असता, त्याने त्याचे नाव सार्थक बाळासाहेब भगत (वय २२
वर्षे, रा. कोल्हेवाडी फाटा, सिंहगड रोड, पुणे) असे असल्याचे
सांगितले. त्याच्यावर यापुर्वी हवेली पोलीस स्टेशन मध्ये शरीराविरुध्दचे गुन्हे
दाखल असल्याचे देखील पोलिसांच्या प्राथमिक चौकशीत समोर आले आहे. त्याच्यावर आर्म
अॅक्टच्या कलमानुसार गुन्हा दाखल करण्यात आला आहे. त्याने हे शस्त्र कशासाठी आणले होते?
त्याचा उद्देश काय होता? त्याने हे शस्त्र कोणाकडून आणले होते याचा तपास नांदेड
सिटी पोलीस करत आहेत.
वरील वृत्त खाली लिंक जोडलेल्या
आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर
जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या
भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! तुमच्या फेसबुक / ट्विटर वर टाकून आम्हाला tag करा.
खालील लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा
https://linktr.ee/checkmatetimes?utm_source=linktree_profile_share
