Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha
पुणे, दि. १७
ऑगस्ट २०२५ (Checkmate Times): रात्री जेवण झाल्यानंतर शतपावली करण्यासाठी बाहेर
आलेल्या विद्यार्थ्याला रिक्षाचालकाने त्याच्या साथीदारांसह जबर मारहाण केल्याची
धक्कादायक घटना कर्वेनगर मध्ये घडली. मारहाण केल्यानंतर ते सर्वजण फरार झाले असून,
विद्यार्थ्यावर खाजगी रुग्णालयात उपचार सुरु आहेत. कर्वेनगर भागात शिक्षणासाठी
बाहेरून आलेले अनेक विद्यार्थी राहत असून, त्यांना मारहाण करण्याच्या घटना घडत
असतात. विशेषतः या भागातील रिक्षाचालकांच्या मुजोरीला विद्यार्थिनी कंटाळलेल्या
असून, त्यांच्याबाबत बसथांबा भागात थांबलेले काही रिक्षाचालक अश्लील शेरेबाजी करत
असल्याच्या तक्रारी नेहमीच केल्या जात आहेत. यामुळे अशा रिक्षाचालकांचा वेळीच
बंदोबस्त न झाल्यास, मोठी घटना घडू शकते अशा भावना विद्यार्थ्यांकडून व्यक्त होत
आहेत.
याबाबत
पोलिसांनी दिलेल्या माहितीनुसार, मुळचा शाहूपुरी, सातारा भागातील २३ वर्षांचा
विद्यार्थी संगणक विषयक शिक्षण घेण्यासाठी कर्वेनगर मध्ये एका मित्रासह राहतो. तो शनिवार
दि. १६ ऑगस्ट २०२५ रात्री जेवण झाल्यानंतर कर्वेनगर मधील मुख्य रस्त्याने
उड्डाणपुलाखाली शतपावली करत होता. यावेळी रात्री साडेअकराच्या सुमारास कर्वेनगर बस
स्टॉप भागात एक रिक्षा त्याच्या मागे अचानक येऊन थांबली. अचानक रिक्षा मागे येऊन
थांबल्याचे लक्षात आल्यानंतर त्याने मागे बघितले असता, त्यातील अज्ञात
रिक्षाचालकाने “मागे काय बघतो” असे म्हणत घाण घाण शिवीगाळी करत, त्याला थेट मारहाण
करण्यास सुरुवात केली. यावेळी त्याला विरोध करत असताना, त्याचे इतर तीन साथीदार
देखील रिक्षातून खाली उतरले आणि सर्वांनी मिळून लाथा बुक्क्यांनी तरुणाला मारहाण
केली. तर एका तरुणाने जड वस्तूने त्याच्या डोक्यात घाव केला, तर दुसऱ्याने
रस्त्यावर पडलेला दगड तरुणाच्या पाठीत मारून त्याला गंभीर जखमी केले. यावेळी झालेला
आरडाओरडा पाहून काही नागरिक घटनास्थळी आले. त्यामुळे त्या रिक्षाचालकाने
साथीदारांसह तेथून पळ काढला.
याबाबत २३
वर्षीय विद्यार्थ्याने वारजे पोलीस स्टेशन मध्ये अज्ञात रिक्षाचालक आणि त्याच्या
साथीदारांच्या विरोधात तक्रार दिली आहे. सद्यस्थितीला तरुणावर खाजगी रुग्णालयात
उपचार सुरु असून, वारजे पोलीस तपास करत आहेत. कर्वेनगर भागात शिक्षणासाठी बाहेरून
आलेल्या विद्यार्थ्यांना आणि विशेषतः विद्यार्थिनींना त्रास देणे, त्यांची छेडछाड करण्याचे
प्रमाण दिवसेंदिवस वाढत आहेत. यापूर्वी शाळा आणि महाविद्यालयीन वेळांमध्ये दामिनी
मार्शल्स गस्त घालत असल्याने त्याचे प्रमाण नियंत्रित होते. मात्र आता दामिनी
मार्शल्स रस्त्यावर दिसत नाहीत. तर कॉप्स २४ ची गस्त या भागातील दुधाने लॉन्सच्या
रस्त्यावर “विशेष” असते. तिकडे गस्त घालण्याची गरज आहेच. मात्र शाळा
महाविद्यालयांचे रस्ते, येथील हॉस्टेल्स भागात हि गस्त वाढवण्याची खरी गरज
असल्याच्या भावना या भागातील विद्यार्थ्यांनी चेकमेट टाईम्सशी बोलताना व्यक्त केल्यात.
वरील वृत्त खाली लिंक जोडलेल्या
आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर
जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या
भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा !
तुमच्या फेसबुक / ट्विटर वर टाकून आम्हाला tag करा. खालील
लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा
https://linktr.ee/checkmatetimes?utm_source=linktree_profile_share
