Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha
पुणे, दि. १४
ऑगस्ट २०२५ (Checkmate Times): वारजे माळवाडी पोलीस स्टेशनच्या हद्दीत तीन
दिवसांमध्ये दोन महिलांच्या गळ्यातील दागिन्यांवर अज्ञात चोरट्यांनी डल्ला मारत
जवळपास ५ तोळे सोन्याच्या दागिन्यांवर हात साफ केला असल्याची धक्कादायक बाब समोर
आली आहे. दोन्ही घटनांबाबत वारजे पोलीस स्टेशन मध्ये अज्ञात चोरट्यांच्या विरोधात
गुन्हा दाखल करण्यात आला आहे.
पहिल्या घटनेमध्ये
गुरुवार दि. ७ ऑगस्ट २०२५ रोजी वारजे माळवाडी मधील अष्टविनायक चौक परिसरात
राहणाऱ्या ५५ वर्षीय महिला वारजे मधून गेलेल्या कात्रज देहूरोड बाह्यवळण मार्गावर
पहाटे मॉर्निंग वॉल्कला गेलेल्या होत्या. माई मंगेशकर रुग्णालय चौक ते आदित्य
गार्डन सिटी चौक या दरम्यान सदरील महिला आणि त्यांचे पती नियमित मॉर्निंग वॉल्कला
जात असतात. मात्र घटना घडली त्याच दिवशी नेमक्या त्या एकट्या असताना, पहाटे
साडेपाचच्या सुमारास रुणवाल सोसायटी जवळील कोठारी होंडा शोरूम ते वारजे वडापाव
दरम्यान एक दुचाकी जोरात आली. यावेळी त्या महिला सावध होऊन बाजूला झाल्या. मात्र तीच
संधी साधून अगोदरच त्या भागात दबा धरून थांबलेल्या दुसर्या दुचाकीवरील दोघांनी
सदरील महिलेच्या गळ्यातील मंगळसूत्र हिसका मारून तोडून नेले. दरम्यान या घटनेत
महिलेने मंगळसूत्र घट्ट पकडल्याने अर्धे मंगळसूत्र त्यांच्या हातात गेले तर अर्धे
महिलेच्या हातातून खाली पडले. यामध्ये जवळपास ७ ग्रॅम सोन्याच्या मंगसुत्राचा
तुकडा चोरट्यांच्या हाती लागला. याबाबत सदरील महिलेने वारजे पोलिसात तक्रार दिली
आहे.
तर दुसऱ्या
घटनेत, रविवार दि. १० ऑगस्ट २०२५ रोजी उजवी भुसारी कॉलनी, कोथरूड परिसरात
राहणाऱ्या ५८ वर्षीय महिला वारजे मधून गेलेल्या कात्रज देहूरोड बाह्यवळण मार्गावरील
डुक्कर खिंड भागातून आपल्या पतीसह दुचाकीवरून सिंहगड रस्त्याकडे जात होत्या.
यावेळी साधारण सकाळी दहाच्या सुमारास ते डुक्कर खिंडीजवळील हायवेच्या सर्व्हिस रस्त्याने
जात असताना, मागून दुचाकीवरून आलेल्या दोघांनी त्यांना दुचाकी आडवी लावली. तर
तेथून पुढे असलेल्या रोझरी शाळेच्या चौकात पोलिसांचे चेकिंग चालू असल्याचे सांगत.
त्यांच्या गळ्यातील सोन्याचे मंगळसूत्र काढून पर्स मध्ये ठेवण्यास सांगितले.
यावेळी त्या महिलेने तसे केले असता, त्याने ते कुठे ठेवताय असे विचारत, दाखवण्यास
सांगितले. यावेळी त्याने पर्स मध्ये हात घालून ते पाहून पुन्हा ठेवत असल्याचे
भासवले. दरम्यान त्यांनी अशाच प्रकारे आणखीन एका दुचाकीस्वाराला देखील त्याच
ठिकाणी, तसेच सांगितले आणि तशीच कृती करायला लावली. यावेळी आपल्या पर्स मधील
मंगळसूत्र जागेवर आहे कि नाही याची खात्री न करता पती पत्नी सिंहगड रोडच्या दिशेने
मार्गस्थ झाले.
मात्र सदरल
महिलेच्या पतीच्या मनात शंकेची पाल चुकचुकली आणि त्यांनी पत्नीला मंगळसूत्र
व्यवस्थित आहे का? याची खात्री करण्यास सांगितले. मात्र यावेळी पर्स मध्ये त्यांचे
जवळपास ४० ग्रॅम वजनाचे सोन्याचे मंगळसूत्र पर्स मध्ये नसल्याचे महिलेला आढळून
आले. यानंतर सदरील पती पत्नीने वारजे पोलिसात धाव घेत अज्ञात चोरट्यांच्या विरोधात
तक्रार दिली असून, वारजे पोलीस तपास करत आहेत. यापूर्वी देखील या महामार्गाच्या
परिसरात अशा प्रकारच्या अनेक घटना घडल्या आहेत. त्या बाबतची वृत्त देखील वारंवार
प्रसिद्ध होतात. मात्र असे असताना देखील आवश्यक ती खबरदारी न घेतल्यामुळे असेल की,
पोलिसांच्या अनुपस्थितीत चोरटे संधी साधत असल्याचे समोर येते आहे.
वरील वृत्त खाली लिंक जोडलेल्या
आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर
जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या
भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा !
तुमच्या फेसबुक / ट्विटर वर टाकून आम्हाला tag करा. खालील
लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा
https://linktr.ee/checkmatetimes?utm_source=linktree_profile_share
