Type Here to Get Search Results !

उद्यानांना नातेवाईकांची नावे देणे बेकायदेशीर; सन २००० ला झालाय पुणे महानगरपालिकेत ठराव

 


पुणे दि.०४ ऑगस्ट (चेकमेट टाईम्स): स्वत:च्या नावे उभारलेल्या उद्यानाचे स्वत:च उद्घाटन करण्याच्या मुख्यमंत्री एकनाथ शिंदे यांच्या निर्णयावर टीका झाल्यानंतर आता उद्यानाचे नाव बदलण्याचा निर्णय घेण्यात आला आहे. एकनाथ शिंदे उद्यान नव्हे तर धर्मवीर आनंद दिघे उद्यान असे महापालिकेच्या उद्यानाचे नामकरण करण्यात येणार आहे. मुख्यमंत्री एकनाथ शिंदे यांनी त्याबाबतची घोषणा केली. दरम्यान, सायंकाळपर्यंत सर्व प्रशासकीय मान्यता मिळवून एकनाथ शिंदे यांच्या हस्तेच सायंकाळी उद्घाटन करण्याच्या हालचाली शिंदे गटाकडून सुरू झाल्या आहेत.

महापालिकेच्या मुख्य सभेने केलेल्या ठरावाला केराची टोपली दाखवत शिंदे समर्थक माजी नगरसेवक नाना भानगिरे यांनी हडपसर परिसरातील या उद्यानाला एकनाथ शिंदे उद्यान असे नाव दिले आहे. त्याचे उद्घाटन एकनाथ शिंदे यांच्या हस्ते होणार असल्याचे वृत्त लोकसत्तामध्ये मंगळवारी (२ ऑगस्ट) प्रसिद्ध झाले. त्याचे तीव्र पडसाद राजकीय क्षेत्रात उमटले. उद्यानाला दिलेल्या नावावरून टीका झाल्यानंतर उद्घाटनाचा कार्यक्रम रद्द करण्याची नामुष्की शिंदे यांच्यावर ओढविली. मुख्यमंत्री कार्यालयाकडूनही हा कार्यक्रम रद्द करण्यात आल्याचे जाहीर करण्यात आले. एकनाथ शिंदे यांनी नाराजी व्यक्त केल्यानंतर उदय सामंत यांनी स्थानिक माजी नगरसेवक प्रमोद उर्फ नाना भानगिरे यांच्याशी संपर्क साधला. या दरम्यान, उद्यानाचे नाव बदलून ते धर्मवीर आनंद दिघे करण्यात येणार असल्याचे उदय सामंत यांनी जाहीर केले.

 मी राज्याचा मुख्यमंत्री आहे. एखाद्या नगरसेवक किंवा कार्यकर्त्याने माझ्या नावाने जर उद्यान केले असेल तर ते मला मान्य नाही, त्यामुळे उद्यानाचे नाव बदलावे’, अशी सूचना एकनाथ शिंदे यांनी केली. त्यानंतर नाना भानगिरे यांच्याशी संपर्क साधून नाव बदलण्यात आल्याचे सामंत यांनी स्पष्ट केले.

ते म्हणाले की, “चुकीच्या पद्धतीच्या कामांची उद्घाटन मुख्यमंत्री करणार नाहीत. नामकरणाबाबत रीतसर प्रशासकीय परवानगी घेतली जाईल. सायंकाळपर्यंत प्रशासकीय पातळीवरील मान्यता प्रक्रिया पूर्ण केली जाईल. त्यानंतर सायंकाळी मुख्यमंत्री एकनाथ शिंदे यांच्या हस्तचे या उद्यानाचे उद्घाटन होईल.

महापालिकेच्या मुख्य सभेने २४ जुलै २००० मध्ये उद्यानांना देण्यात येणाऱ्या नावांबाबत ठराव केला आहे. या ठरावानुसार महापालिकेच्या उद्यानांना नाव देताना वैयक्तिक नावे देता येत नाहीत. राष्ट्रीय नेते, पर्यावरणशास्त्रज्ञ आणि वनस्पतिशास्त्रज्ञांची नावे उद्यानांना देण्यास परवानगी आहे.

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या ९७३०३०७२२७ या क्रमांकावर फक्त व्हाटस अप करा ! आम्हाला खाली देण्यात आलेल्या सोशल मिडिया प्लॅटफॉर्मवर फॉलो करा...!

आम्हाला वेबपोर्टलवर फॉलो करा: https://www.checkmatetimes.com/  

आम्हाला फेसबुकवर फॉलो करा: https://www.facebook.com/checkmatetimes

आमचे युट्युब सबस्क्राईब करा: https://www.youtube.com/c/CheckmateTimes

आम्हाला इंस्टाग्रामवर फॉलो करा: https://www.instagram.com/checkmate_times/

आम्हाला ट्विटर’’वर फॉलो करा: https://twitter.com/checkmate_times

आम्हाला डेली हंट’’वर फॉलो करा: https://m.dailyhunt.in/profile/CheckmateTimes

आमचे टेलिग्राम सबस्क्राईब करा: https://t.me/CheckmateTimes

आम्हाला शेअर चॅट’’वर फॉलो करा: https://sharechat.com/profile/checkmatetimes?d=n

आम्हाला मोज’’वर फॉलो करा: https://mojapp.in/@checkmatetimes

आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84

Tags

टिप्पणी पोस्ट करा

0 टिप्पण्या
* Please Don't Spam Here. All the Comments are Reviewed by Admin.