Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha
पुणे, दि. ३०
जून २०२५ (Checkmate Times): क्रिकेट खेळताना
झालेल्या भांडणाचा राग मनात धरुन एका तरुणास जिवे ठार मारण्याच्या उद्देशाने एका
टोळक्याने कोयत्याने, लाकडी दांडक्याने व लाथा बुक्क्यांनी पळवून पळवून मारहाण केल्याची घटना
ऑक्टोबर २०२२ मध्ये घडली होती. यावेळी या टोळक्यावर मोक्का अंतर्गत गुन्हा दाखल
झाला होता. तेव्हापासून फरार असलेल्या संशयिताला तब्बल ३ वर्षांनंतर वारजे पोलीस
स्टेशनच्या हद्दीतूनच अटक करण्यात वारजे माळवाडी पोलीस स्टेशनच्या तपास पथकाला यश
आले आहे. सदरील सराईत गुन्हेगारावर मार्केटयार्ड पोलीस स्टेशन हद्दीत दरोड्याचा
गुन्हा दाखल झाला होता. तसेच त्याचे विरुध्द तेथेही संघटित गुन्हेगारी कायद्या (मोक्का)
अंतर्गत कारवाई करण्यात आली होती. तेंव्हा पासुन तो आपले अस्तित्व पोलीसांच्या
नजरेज पडु नये याकरिता बाहेरील राज्यात राहत होता. वारजे माळवाडी पोलिसांनी त्याचा
शोध उत्तर प्रदेश आणि तेलंगणा राज्यात देखील घेतला होता. दरम्यान पुणे शहर
पोलिसांच्या गुन्हे शाखा युनिट ३ आणि वारजे माळवाडी पोलीस चौकीचे पथक देखील
त्याच्या मागावर होते. मात्र शेवटच्या क्षणी नाट्यमय घडलेल्या घडामोडींनंतर वारजे
माळवाडी पोलीस स्टेशनच्या तपास पथकाला (डीबी) यश आले आहे.
वारजे पोलिसांनी दिलेल्या माहितीनुसार, या हल्ल्यातील जखमी असलेल्या शुभम
मानकर यांच्या भावाने दिलेल्या फिर्यादी वरुन वारजे माळवाडी पोलीस स्टेशन मध्ये गुन्हा
दाखल करण्यात आला होता. शुभम मानकर याची ५ ऑक्टोबर २०२२ रोजी एनडीएच्या मैदानावर
क्रिकेट खेळत असताना, परप्रांतीय टोळीशी भांडणे झाली होती. यावेळी त्यांनी शुभमवर
हल्ला केला होता. त्यानंतर यातील फरार असलेल्या संशायीतांबाबत परिमंडळ ३ चे पोलीस
उपआयुक्त संभाजी कदम, सहायक पोलीस आयुक्त भाऊसाहेब पटारे यांनी वारजे माळवाडी
पोलीस स्टेशनच्या भेटीदरम्यान, वरिष्ठ पोलीस निरीक्षक विश्वजित काईंगडे यांना सदर
आरोपीला लवकरात लवकर ताब्यात घेणे कसे आवश्यक आहे ते सांगुन त्यास ताब्यात
घेण्यासाठी निर्देश दिलेले होते.
यानंतर वरिष्ठ पोलीस निरीक्षक विश्वजित काईंगडे यांनी तत्काळ हालचाली करून,
वारजे पोलीस स्टेशनच्या तपास पथकाचे (डीबी) पोलीस उपनिरीक्षक संजय नरळे यांचे
नेतृत्वात एक पथक तयार करुन, आरोपीच्या हालचालीं विषयी त्यांचेशी चर्चा करुन,
त्याला ताब्यात घेण्याकरीता काय पाऊले उचलता येतील याची योजना तयार केली. त्यांनतर
त्याचे मुळ गावी गोरखपुर, उत्तरप्रदेश येथे जावुन त्याचा शोध घेतला असता तो मिळुन आला नाही. दरम्यान
तापास करत असताना त्याचे नातेवाईक, मित्र मैत्रीण यांचेकडे चौकशी केली असता तो तेलंगणा येथे वास्तव्यास
असल्याची माहिती मिळाली होती. तेलंगणा येथेही तो आपले ठिकाणे बदलुन राहत असल्याने
त्याचे वास्तव्याबाबत काही एक उपयुक्त माहिती मिळून येत नव्हती. दरम्यान गुरुवार
दि. २६ जून २०२५ रोजी वारजे माळवाडी पोलीस स्टेशनच्या हद्दीमध्ये तपास पथकातील
अधिकारी कर्मचारी गस्त घालत असताना, पोलीस उपनिरीक्षक संजय नरळे यांना त्यांचे
गोपनीय बातमीदारामार्फत या गुन्ह्यातील पाहीजे असेलेला आरोपी एनडीए ग्राउंड, शिवणे येथे आला
असल्याची माहिती मिळाली.
यावेळी अप्पर पोलीस आयुक्त पश्चिम प्रादेशिक विभाग राजेश बनसोडे, परिमंडळ ३ चे पोलीस
उपआयुक्त संभाजी कदम, कोथरुड विभागाचे सहायक पोलीस आयुक्त भाऊसाहेब पटारे यांचे मार्गदर्शनाखाली वरिष्ठ
पोलीस निरीक्षक विश्वजीत काईगडे आणि पोलीस निरीक्षक (गुन्हे) निलेश बडाख यांचे
देखरेखीत तपास पथकाचे अधिकारी पोलीस उपनिरीक्षक संजय नरळे, पोलीस अंमलदार सागर कुंभार, गणेश शिंदे, योगेश वाघ, अमित शेलार, बालाजी काटे, निखील तांगडे, शरद पोळ, अमित जाधव, अमोल झणझणे, गोविंद कपाटे यांच्या
पथकाने मिळालेल्या माहितीनुसार एनडीए ग्राउंडच्या चारही बाजूंनी सापळा रचून,
त्याचा शोध घेत, त्याला शिताफीने ताब्यात घेतले. आकाश सिब्बन गौड (वय २३ वर्षे, मुळ रा. गोरखपुर, राज्य उत्तरप्रदेश,
सध्या रा. कदम वस्ती, राहुल नगर, शिवणे, पुणे) असे त्याचे नाव
आहे.
वरील वृत्त खाली लिंक जोडलेल्या
आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर
जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या
भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! तुमच्या फेसबुक / ट्विटर वर टाकून आम्हाला tag करा.
खालील लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा
https://linktr.ee/checkmatetimes?utm_source=linktree_profile_share
