सेनेचे निष्ठावान शिवसैनिक बांगर हे अचानक कसे फुटले- शिवसेनेची नाराजी

 

दि. 0५  जुलै २०२२ (चेकमेट टाईम्स): एकनाथ शिंदे यांनी शिवसेनेला भगदाड पाडत ४० आमदारांना सोबत घेतलं आणि उद्धव ठाकरे यांचं सरकार पाडत राज्याचं मुख्यमंत्रीपद मिळवलं. एकनाथ शिंदे पक्षनेतृत्वाला आव्हान देत सर्वात आधी महाराष्ट्रातबाहेर गेले तेव्हा त्यांच्यासोबत साधारण २० ते २२ आमदार होते. त्यानंतर एक-एक करत शिंदे यांच्यासोबत ३९ आमदार जमले. तर केवळ १६ आमदार उद्धव ठाकरे यांच्यासोबत राहिले. मात्र हे १६ आमदार निष्ठावान असल्याचं सांगितलं जात असतानाच यातील आणखी एक आमदारही बहुमत चाचणीआधी फुटला.

कळमनुरी विधानसभा मतदारसंघातील शिवसेनेचे आमदार संतोष बांगर हे बंडखोर आमदारांसोबत राज्याबाहेर गेले नव्हते. याउलट त्यांनी आपल्या मतदारसंघात जात बंडखोर आमदारांवर हल्ला चढवत पक्षप्रमुख उद्धव ठाकरे यांचं जोरदार समर्थन केलं. यावेळी बांगर यांच्या डोळ्यातून अश्रूधाराही वाहू लागल्या. त्यामुळे बांगर हेच निष्ठावान शिवसैनिक असल्याचं बोललं जात असतानाच सोमवारी सकाळी मात्र अचानक संतोष बांगर हे बंडखोर गटात सामील झाले आणि त्यांनी बहुमत चाचणीवेळी मुख्यमंत्री एकनाथ शिंदे यांच्या सरकारच्या बाजूने मतदानही केले.

'संतोष बांगर हे हिंगोलीचे आमदार विधानसभा अध्यक्षपदाच्या निवडणुकीत शिवसेनेच्या बाजूने उभे राहिले व २४ तासांत असे काय घडले की, विश्वासदर्शक ठरावाच्या वेळी हे 'निष्ठावान' शिंदे गटाच्या कॅम्पात शिरले. शिवसेनेत राहिल्याबद्दल या निष्ठावान आमदाराचे हिंगोलीत लोकांनी भव्य स्वागत केले. त्यांच्या निष्ठेवर लोकांनी फुले उधळली. आमदार म्हणून विजयी झाले तेव्हाही लोकांनी असे स्वागत केले नव्हते, असे सांगून कपाळास उटी-चंदन लावलेले बांगर रडू लागले. तेच बांगर सोमवारी शिंदे गटात पळून गेले. त्यामुळे विश्वास फक्त पानिपतातच पडला असे नाही, तर प्रत्यक्ष महाराष्ट्रातही अनेक 'विश्वासराव' पळून गेले,' असं म्हणत शिवसेनेनं आपली नाराजी व्यक्त केली आहे.

विधिमंडळात काल घेण्यात आलेल्या बहुमत चाचणीवेळी काँग्रेसचे काही वरिष्ठ नेते उशिरा पोहोचल्यामुळे मतदान करू शकले नाहीत. या मुद्द्यावरून शिवसेनेनं काँग्रेसवर निशाणा साधला असून आश्चर्य व्यक्त केलं आहे. 'भाजपपुरस्कृत शिंदे गटास १६४ आमदारांनी पाठिंबा दिला व विरोधात ९९ मते पडली. काँग्रेस-राष्ट्रवादीचे काही आमदार बहुमत चाचणीच्या वेळेस गैरहजर राहिले. अशोक चव्हाण, विजय वडेट्टीवार यांच्यासारखे ज्येष्ठ मंत्री विधानसभेत पोहोचू शकले नाहीत याचे आश्चर्य वाटते.

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या ९७३०३०७२२७ या क्रमांकावर फक्त व्हाटस अप करा ! आम्हाला खाली देण्यात आलेल्या सोशल मिडिया प्लॅटफॉर्म’वर फॉलो करा...!

आम्हाला वेबपोर्टल’वर फॉलो करा: https://www.checkmatetimes.com/

आम्हाला फेसबुक’वर फॉलो करा: https://www.facebook.com/checkmatetimes

आमचे युट्युब सबस्क्राईब करा: https://www.youtube.com/c/CheckmateTimes

आम्हाला इंस्टाग्राम’वर फॉलो करा: https://www.instagram.com/checkmate_times/

आम्हाला ट्विटर’’वर फॉलो करा: https://twitter.com/checkmate_times

आम्हाला डेली हंट’’वर फॉलो करा: https://m.dailyhunt.in/profile/CheckmateTimes

आमचे टेलिग्राम सबस्क्राईब करा: https://t.me/CheckmateTimes

आम्हाला शेअर चॅट’’वर फॉलो करा: https://sharechat.com/profile/checkmatetimes?d=n

आम्हाला मोज’’वर फॉलो करा: https://mojapp.in/@checkmatetimes

आम्हाला जोश’’वर फॉलो करा: https://share.myjosh.in/profile/d0908f18-40fe-4e4d-87be-84ffd6ecd6d4?u=0xffe7b0c455ceaa84