पोलीस असल्याची बतावणी करून वारजे मध्ये महिलेचे सहा लाखांचे दागिने लुटले

Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha

 

 

पुणे, दि. १२ जून २०२५ (Checkmate Times): वटपौर्णिमेच्या सायंकाळी अंगावर दागदागिने घालून जाणाऱ्या एका ६४ वर्षीय ज्येष्ठ महिलेला वारजे हायवे परिसरात लुटल्याची धक्कादायक घटना घडली. विशेष म्हणजे हि लुटीची घटना पोलीस असल्याची बतावणी करून झाल्याने परिसरात भीतीचे वातावरण पसरले आहे. याबाबत ज्येष्ठ महिलेने सव्वासहा लाखांचे दागिने चोरल्याबाबत वारजे पोलिसात तक्रार दिली आहे.

 

याबाबत पोलिसांनी दिलेल्या माहितीनुसार, वारजे माळवाडी मधील कात्रज देहूरोड बाह्यवळण मार्गावर असलेल्या अतुलनगर जवळील अविस्मरा हॉल समोर सदरील घटना घडली. यातील या ६४ वर्षीय ज्येष्ठ महिला मंगळवार दि.१० जून २०२५ सायंकाळी साडेपाच वाजण्याच्या सुमारास, अविस्मरा हॉल समोरून जात असताना, दोन अनोळखी इसमांनी “इथे खून झाला आहे, तुमच्या अंगावरील सर्व दागिने काढून पिशवी मध्ये ठेवा” अशी बतावणी केली. यावेळी त्या महिलेने दागिने ठेवल्यानंतर सबंधित दोन्ही अज्ञातांनी हातचलाखीने त्यांच्या पिशवीतील ६ लाख २४ हजार रुपये किमतीचे सोन्याचे दागिने लंपास केले. काही वेळाने त्यांनी पिशवीत दागिने तपासले असता, त्यांच्या निदर्शनास फसवणूक करून चोरी झाल्याची बाब लक्षात आली. याबाबत त्यांनी वारजे पोलीस स्टेशन मध्ये अज्ञात चोरट्यांच्या विरोधात तक्रार दिली असून, पोलीस उपनिरीक्षक आनंदा चव्हाण पुढील तपास करत आहेत.

 

हायवे सर्व्हिस रस्त्यावर चोरट्यांचा संधिसाधूपणा

वारजे हायवे सर्व्हिस रस्ता असेल कि अगदी कात्रज पासून देहूरोड पर्यंत हायवेच्या आजूबाजूच्या परिसरात दुचाकीवरून आलेल्या चोरट्यांनी महिलांच्या गळ्यातील दागिन्यांना हिसका मारून चोऱ्या केल्याच्या अनेक घटना घडलेल्या आहेत. यावर उपाय म्हणून पोलिसांनी सुवर्णालंकार घालून मॉर्निंग वॉल्क, इव्हिनिंग वॉल्कला जाऊ नका, दागिने घालून रस्त्याने जात असाल तर इच्छितस्थळी पोचेपर्यंत ते कपड्यांच्या आत लपवून ठेवा, अशी आवाहने वारंवार केली होती आणि करत असतात. त्याचबरोबर वारजे मध्ये हायवेवर व्हिजिबल पोलीस पेट्रोलिंग, फिक्स पॉईट सुरु करण्यात आले होते. ते आताही वेळेनुसार कमी अधिक प्रमाणात दिसते. तर वस्त्यांमधील गस्त तर खूपच कमी झाली आहे, काही रस्त्यांनाच गस्त असल्याचे नागरिक बोलू लागले आहेत. त्याला “कर्मचारी संख्या कमी आहे” हे कारण काही पटण्यासारखे नाही. यामुळे वारजे पोलीस स्टेशन हद्दीत लहान मोठ्या गुन्हेगारांनी पुन्हा तोंड वर केले आहे. या पार्श्वभूमीवर वर्दीवरील पोलिसांची गस्त वाढवण्याची गरज असल्याचे नागरिक बोलू लागले आहेत.

 

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! तुमच्या फेसबुक / ट्विटर वर टाकून आम्हाला tag करा. खालील लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा

 

https://linktr.ee/checkmatetimes?utm_source=linktree_profile_share