Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha
पुणे, दि. १८
जुलै २०२५ (Checkmate Times): वारजे माळवाडी मध्ये गोवंशाला लंपी सदृश रोगाची लागण
झाली असल्याचे समोर आल्यानंतर आणखीन काही भागांमधून गोवंशाला लंपी सदृश रोगाची
लागण झाली असल्याचे समोर येऊ लागले आहे. चेकमेट टाईम्सने सर्वात पहिले वृत्त
प्रसिद्ध केल्यानंतर खडकवासला आणि कात्रज भागातील गोवंश देखील लंपी सदृश रोगाच्या
विळख्यात असल्याचे समोर आले होते. यामधील कात्रज जवळ, जांभूळवाडी मध्ये असलेल्या “पुण्यश्लोक
अहिल्यादेवी होळकर गौशाळा” मधील जवळपास १५ गोवंश या रोगाच्या विळख्यात असल्याचे
गोशाळेचे ऋषिकेश नारायण भणगे यांनी सोशल मिडीयावर जाहीर केले आहे. तर या गोवंशाला
रोगाच्या विळख्यातून वाचवण्यासाठी मदतीची मागणी सोशल मिडीयाच्या माध्यमातून केली
आहे.
त्यामुळे शहराच्या
उपनगरांमध्ये लंपीने आपला विळखा घालायला सुरुवात केली आहे की काय असे भितीदायक
चित्र समोर आले आहे. या पार्श्वभूमीवर प्रशासनाने वेळीच पावले उचलण्याची गरज असून, हा
रोग जर वाढत गेला तर शहरात एका मोठ्या साथीच्या रोगाचे आगमन होऊन प्राणीजीवनचा
नव्हे तर जनजीवन विस्कळीत होऊ शकते आणि त्याला जबाबदार कोण असणार असा प्रश्न या
निमित्ताने उपस्थित होतो आहे. तर चेकमेट टाईम्सच्या माध्यमातून हे सलग तिसरे वृत्त
प्रसिद्ध करेपर्यंत वारजे माळवाडी मधील गोवंश पुणे महानगरपालिकेच्या कोंडवाडा
विभागाकडून नेऊन नेण्यापलीकडे, खडकवासला आणि कात्रजच्या लंपी बाधित गोवंशाला मदत
पोचली नसल्याचे धक्कादायक वास्तव समोर येते आहे. एकूणच हे सर्व गोवंश पुणे
महानगरपालिकेच्या हद्दीत, समाविष्ठ गावांमध्ये असल्याचे समोर आले असून, यावर ठोस
उपाययोजना आणि औषधोपचाराची गरज असल्याचे देखील समोर येते आहे. यावर आता शासन किती
वेगवान हालचाली करते हे पाहणे महत्वाचे ठरणार आहे.
गुगल वरून
मिळालेल्या माहितीनुसार
लंपी (Lumpy Skin Disease) हा एक विषाणूजन्य रोग आहे, जो गुरे आणि म्हशींमध्ये
होतो. यात जनावरांच्या त्वचेवर गाठी येतात, ताप येतो आणि ते
लंगडतात. हा रोग प्रामुख्याने डास, माश्या आणि गोचिड
यांच्याद्वारे पसरतो.
लंपी स्कीन
आजाराची माहिती आणि कारण: हा रोग Lumpy Skin Disease Virus (LSDV) (LSDV) नावाच्या विषाणूमुळे होतो, जो पॉक्सव्हायरस
कुटुंबातील आहे.
पसरण्याची
पद्धत:
रोगग्रस्त जनावरांच्या संपर्कात आल्यास, तसेच डास, माश्या आणि गोचिड यांच्या चावण्यामुळे याचा प्रसार होतो. (ज्या भागात हि
जनावरे आढळली आहेत, त्या भागात पुणे महानगरपालिकेची स्वच्छता
यंत्रणा काम करत नाही. सर्वत्र चिखलाचे साम्राज्य आहे. बीडीपी आरक्षण बाधित
क्षेत्र असल्याने पुणे महानगरपालिकेचा कर भरून देखील रस्ते, पाणी,
ड्रेनेज अशा कोणत्याच सुविधा नाहीत. माणुसकीतून कचरा उचलण्यापलीकडे
कचरा उचलण्याची देखील ठोस यंत्रणा नाही.)
लक्षणे: जनावरांना ३
ते ५ दिवस ताप येतो. त्वचेवर गाठी येतात, ज्या दोन ते पाच सेंटीमीटर
पर्यंत वाढू शकतात. गाठींमुळे जनावरे लंगडतात. डोळे आणि नाकातून स्त्राव येतो.
तोंडाला फोड येतात.
उपाय: लसीकरण हा
यावरचा प्रभावी उपाय आहे,
असे पशुवैद्यकीय तज्ञ सांगतात. लक्षणे दिसल्यास त्वरित पशुवैद्यकाशी
संपर्क साधावा. जनावरांना स्वच्छ ठिकाणी ठेवावे. डास, माश्या
आणि गोचिड यांच्यापासून बचाव करण्यासाठी उपाययोजना कराव्यात.
नुकसान: या
आजारामुळे जनावरांच्या त्वचेचे नुकसान होते, ज्यामुळे त्यांच्या चामड्याचे
मूल्य घटते, असे विकिपीडियावर नमूद आहे. दुग्धोत्पादन घटते.
मृत्यूदर वाढू शकतो.
लंपी स्कीन
माणसांना होतो का?: नाही,
लम्पी स्कीन हा एक पशुजन्य रोग आहे, जो
माणसांना होत नाही.
दूध पिणे
सुरक्षित:
लम्पी स्कीन झालेल्या जनावरांचे दूध पिणे सुरक्षित आहे कारण हा नॉन-झुनोटिक आजार
आहे, असे पशुवैद्यकीय तज्ञांचे मत आहे, असे काही
वेबसाईटवर नमूद आहे.
वरील वृत्त खाली लिंक जोडलेल्या
आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर
जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या
भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! तुमच्या फेसबुक / ट्विटर वर टाकून आम्हाला tag करा.
खालील लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा
https://linktr.ee/checkmatetimes?utm_source=linktree_profile_share
