Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha
पुणे, दि. १७
जुलै २०२५ (Checkmate Times): थार मोटारीतून येऊन व्यापाऱ्याला तब्बल ४० लाख
रुपयांना लुटणाऱ्या तिघांना अटक करण्यात आंबेगाव पोलिसांना यश आले आहे. नवले
पुलाजवळ सदरील घटना मंगळवार दि. १५ जुलै २०२५ रोजी घडली होती. यामध्ये त्या
व्यापाऱ्याच्या मित्रानेच त्याच्याकडे असलेल्या मोठ्या रकमेची टीप देऊन, मैत्रीत
घात केल्याचे समोर आले आहे.
याबाबत
पोलिसांनी दिलेल्या माहितीनुसार, येडशी, धाराशिव येथे पत्रा स्टीलचे
साहित्य पुरवठा व्यवसाय करणारे व्यवसायीक पुण्यामधील बांधकाम व्यावसायीकांना पुरवलेल्या
मालाचे पैसे घेण्याकरता आले होते. त्यावेळी त्यांच्याकडे एकुण ४० लाख रुपये रोख
रक्कम एका बॅगमध्ये ठेवलेली होती. फिर्यादी हे एक्सेला प्लाझा बिल्डींग, बाबजी पेट्रोल पंप आंबेगाव, पुणे येथे मालाच्या
बिलाच्या पैशाबाबत विचारणा करीता जात असताना त्यांनी सदरची पैशाची बॅग ही त्यांच्यासोबत
असलेल्या त्यांच्या मित्राकडे दिली होती. ते दोघेजण बाबजी पेट्रोल पंपाजवळुन
कंपनीच्या ऑफिसमध्ये पायी चालत जात होते. तेवढ्यात एक काळया रंगाची महिंद्रा थार गाडी
त्यांच्या जवळ येवुन थांबली आणि त्या गाडीमधुन दोन इसम खाली उतरले. यावेळी त्यांनी
फिर्यादी यांच्या मित्राच्या खांदयावरील बॅग हिसकावुन घेतली. अचानक घडलेल्या या
घटनेनंतर फिर्यादींनी लागलीच ड्राईव्हरच्या दिशेने धावत जाऊन, त्या थार गाडीची
चावी काढण्याचा प्रयत्न केला. मात्र त्यावेळी त्या थार चालकाने फिर्यादी व्यापाऱ्यांच्या
तोंडावरती जोरात बुक्की मारल्याने ते खाली पडले.
अचानक
झालेल्या या हल्ल्यादरम्यान व्यापाऱ्याच्या मित्राकडुन त्या मोटारीतील तिन्ही
तरुणांनी मोटारीसह पैशाची बॅग घेऊन नवले पुलाच्या दिशेने पळुन गेले. सदर घटनेबाबत
फिर्यादी यांनी तक्रार दिल्याने आंबेगाव पोलीस स्टेशन मध्ये गुन्हा दाखल करण्यात
आला होता. दाखल गुन्हयाच्या तपासा दरम्यान आरोपीतांनी गुन्हयात वापरलेल्या वाहनाचा
क्रमांक एमएच १२ डब्लुई ००८५ असा निष्पन्न झाला. आरोपीच्या शोधाकरीता घटनास्थळावरील
सीसीटीव्ही कॅमेरे चेक करुन, तसेच गुप्त बातमीदारामार्फत माहिती घेवुन, दाखल
गुन्हयातील आरोपी प्रदिप रामदास डोईफोडे (वय ३५ वर्षे, रा. भुगाव, पुणे)
आणि मंगेश दिलीप ढोणे (वय ३२ वर्षे, रा. येडशी, जि. धाराशिव)
आणि एक अल्पवयीन बालकाला खंडोबा मंदिर रोड, भुगाव, पुणे येथुन ताब्यात घेवुन त्यांच्याकडुन पाच मोबाईल हॅन्डसेट, ९ लाख ३५ हजार ५०० रुपये रोख रक्कम, एक काळया रंगाची
थार गाडी तसेच गाडीमध्ये एमएच १२ डब्लुई ००८५ क्रमांकाच्या काढुन ठेवलेल्या चार
नंबर प्लेट जप्त केल्या आहेत. गुन्हयातील अटक आरोपीतांकडे तपास करता फिर्यादी असलेल्या
व्यापाऱ्यांच्या मित्रानेच यातील आरोपींना बातमी देवुन त्यांचेसोबत संगणमताने
गुन्हा केल्याचे निष्पन्न झाले आहे.
सदरची कामगिरी
अपर पोलीस आयुक्त (पश्चिम प्रादेशिक विभाग) संजय बनसोडे, पोलीस
उप आयुक्त (गुन्हे) निखील पिंगळे, परिमंडळ २ चे पोलीस उप
आयुक्त मिलींद मोहिते, सहायक पोलीस आयुक्त (गुन्हे) राजेंद्र
मुळीक, स्वारगेट विभागाचे सहायक पोलीस आयुक्त राहुल आवारे
यांच्या मार्गदर्शनाखाली पोलीस निरीक्षक खंडणी विरोधी पथक-२ (गुन्हे) विजय कुंभार,
वरिष्ठ पोलीस निरीक्षक गुन्हे शाखा, युनिट-२
गुन्हे शाखा अंजुम बागवान, तसेच आंबेगाव पोलीस स्टेशनचे वरिष्ठ
पोलीस निरीक्षक शरद झिने यांचे सुचनेप्रमाणे पोलीस निरीक्षक (गुन्हे) गजानन चोरमले,
सहायक पोलीस निरीक्षक अमोल रसाळ, आशिष कवठेकर,
आंबेगाव पोलीस ठाणेचे तपास पथकाचे पोलीस उपनिरीक्षक मोहन कळमकर,
पोलीस अंमलदार शैलेंद्र साठे, गणेश दुधाने,
हनुमंत मासाळ, चेतन गोरे, स्मिता पवार, निलेश जमदाडे, धनाजी
धोत्रे, सचिन गाडे, आबासो खाडे,
प्रमोद भोसले, योगेश जगदाळे, अजय कामठे, सुभाष मोरे, शिवा
पाटोळे, ज्ञानेश्वर चित्ते, नितीन
कातुर्डे, राजेश टेकावडे, हरिष गायकवाड,
अवदुत जमदाडे, ओंकार कुंभार, अमोल सरडे व पवन भोसले यांनी
संयुक्त कारवाई केली.
वरील वृत्त खाली लिंक जोडलेल्या
आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर
जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या
भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! तुमच्या फेसबुक / ट्विटर वर टाकून आम्हाला tag करा.
खालील लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा
https://linktr.ee/checkmatetimes?utm_source=linktree_profile_share
