Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha
पुणे, दि. १७
जुलै २०२५ (Checkmate Times): गे डेटिंग (ग्रिन्डर) अॅप वरुन ओळख झालेल्या एकाला
लुटण्याची घटना पुण्यात घडली आहे. फिर्यादी तरुणाचा पॅन्ट काढतानाचा व्हिडीओ बनवुन
तो व्हिडीओ फिर्यादीस दाखवुन, त्यांच्या घरच्यांना पाठवण्याची धमकी या फिर्यादी
तरुणाला देण्यात आली होती. तसे न करण्यासाठी फिर्यादीकडे १० हजार रुपयांची मागणी संशयितांनी
केली होती. सदरची रक्कम देण्यास फिर्यादीने नकार दिल्यानंतर, त्याच्या खिशातील
मोबाईल हिसकावुन घेवुन त्यावरुन आरोपीने त्याच्या मित्राच्या गुगलपे व फोनपे वर
एकुण १० हजार रुपये पाठवले. त्यानंतर घडलेली घटना कोणास सांगितल्यास फिर्यादीस
जिवंत सोडणार नाही, अशी भिती घालुन धमकी दिली होती. याबाबत नांदेड सिटी पोलीस
स्टेशन मध्ये गुन्हा दाखल करण्यात आला होता.
गे डेटिंग
(ग्रिन्डर) अॅप वरुन ओळख करुन फिर्यादीस नांदेड सिटी गेट जवळ असलेल्या चुल आंगण
हॉटेलच्या बोर्डाजवळ या आरोपी तरुणांनी बोलावले होते. यावेळी त्याला आरोपी व
त्याच्या मित्राने त्यांच्या मारुती सुझुकी स्वीफ्ट कार मध्ये घेवुन प्रयेजा सिटी
कडील मोकळ्या मैदानात गेले. आरोपी फिर्यादीच्या अंगावरुन हात फिरवु लागल्याने,
त्यास फिर्यादीने विरोध केला. यावेळी फिर्यादी तरुणाच्या अंगावर मारण्यास धावून
जात, त्याची पॅन्ट काढतानाचा व्हिडीओ बनवत, तो व्हिडीओ त्यांच्या घरच्यांना पाठवण्याची
धमकी देत तरुणाला लुटले होते.
या
पार्श्वभूमीवर पोलीस शिपाई प्रतिक मोरे, स्वप्नील मगर यांच्या गोपणीय
माहीतीच्या आधारे गुन्ह्यातील आरोपी रॉबीन उर्फ शुभम उपेंद्र कांबळे (वय २७ वर्षे,
रा. नांदेडफाटा, सिंहगड रोड, पुणे) यास
शिताफीने ताब्यात घेवुन अटक करण्यात आली. तर त्याचा साथीदार ओंकार मंडलिक फरार
झाला असून, याचा शोध घेण्यात येत आहे. सदरची कारवाई पुणे शहर पोलीस आयुक्त अमितेश
कुमार, सह पोलीस आयुक्त रंजनकुमार शमी, अपर पोलीस आयुक्त (पश्चिम प्रादेशिक विभाग) राजेश बनसोडे, परिमंडळ ३ चे पोलीस उप आयुक्त संभाजी कदम, सिंहगड
रोड विभागाचे सहाय्यक पोलीस आयुक्त अजय परमार यांचे मार्गदर्शनाखाली नांदेड सिटी
पोलीस स्टेशनचे वरिष्ठ पोलीस निरीक्षक अतुल भोस, पोलीस
निरीक्षक (गुन्हे) गुरुदत्त मोरे, तपास पथकातील सहायक पोलीस
निरीक्षक राहुल यादव, पोलीस शिपाई स्वप्नील मगर, प्रतिक मोरे, संग्राम शिनगारे, राजु वेगरे, शिवाजी क्षिरसागर, मोहन मिसाळ, अक्षय जाधव, निलेश
कुलथे, उत्तम शिंदे, निलेश खांबे,
सतिश खोत, विशाल तांबे यांच्या पथकाने केली
आहे.
वरील वृत्त खाली लिंक जोडलेल्या
आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर
जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या
भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! तुमच्या फेसबुक / ट्विटर वर टाकून आम्हाला tag करा.
खालील लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा
https://linktr.ee/checkmatetimes?utm_source=linktree_profile_share
