Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha
पुणे, दि. १७
जुलै २०२५ (Checkmate Times): वारजे पोलीस स्टेशन
हद्दीत सुरु असलेल्या ऑल आऊट कोंबिंग ऑपरेशन दरम्यान सशस्त्र दरोडा टाकण्यासाठी
आलेल्या टोळीला अटकाव करत, त्यातील म्होरक्याला फिल्मी स्टाईल ताब्यात घेण्यात
वारजे पोलिसांना यश आले आहे. या म्होरक्याकडून तब्बल ५ लाख ८५ हजार रुपयांचा
मुद्देमाल हस्तगत करण्यात वारजे पोलिसांना यश आले आहे. तर त्याचे इतर साथीदार
अंधाराचा फायदा घेऊन पळून जाण्यात यशस्वी ठरलेत. त्यांच्या मागावर वारजे
पोलिसांच्या तपास पथकासह शहरातील विविध पथके रवाना झाली आहेत.
वारजे पोलीस स्टेशनचे पोलीस निरीक्षक (गुन्हे) प्रकाश धेंडे आणि निलेश बडाख
यांनी वारजे माळवाडी पोलीस स्टेशनचे एक पथक तयार करुन, त्यांना रेकॉर्डवरील आरोपी
व संशयास्पद फिरणारे इसमांवर कारवाई करण्याबाबत सुचना दिल्या होत्या. सदर
सुचनेप्रमाणे कारवाई करत असताना, सहायक पोलीस निरीक्षक सचिन पाटील, पोलीस उपनिरीक्षक
सिध्देश्वर रायगोंडा, तपास पथकातील अंमलदार अमित शेलार, निखील तांगडे, अमित जाधव, किरण तळेकर असे वारजे माळवाडी पोलीस स्टेशन हद्दीत पेट्रोलिंग करीत असताना,
पोलीस शिपाई अमित शेलार यांना रात्री पावणे तीनच्या सुमारास त्यांच्या गोपनिय
बातमीदारामार्फत खबर मिळाली की, म्हाडा कॉलनी, एसआरए बिल्डींग, वारजे माळवाडी पुणे याठिकाणी चार ते पाच इसम एका चारचाकी गाडीमध्ये बसुन
सदर ठिकाणी चोरी करण्याकरीता सशस्त्र आलेले आहेत. मिळालेल्या बातमीनुसार अप्पर
पोलीस आयुक्त (पश्चिम प्रादेशिक विभाग) राजेश बनसोडे, पोलीस उप आयुक्त परिमंडळ ३ संभाजी कदम, कोथरुड विभागाचे सहायक
पोलीस आयुक्त भाऊसाहेब पटारे यांचे मार्गदर्शनाखाली पोलिस निरीक्षक (गुन्हे) प्रकाश
धेंडे व निलेश बडाख यांचे देखरेखीत सहायक पोलीस निरीक्षक रणजित मोहिते, सचिन पाटील, पोलीस उपनिरीक्षक
संजय नरळे, सिध्देश्वर रायगोंडा, अर्जुन नाईकवाडे, सहायक पोलीस फौजदार
रामदास गोणते, पोलीस अंमलदार अमित
शेलार, निखील तांगडे, अमित जाधव, योगेश वाघ, बालाजी काटे, किरण तळेकर, ज्ञानेश्वर गुजर, हेमकांत पवार, विक्रम खिलारी, कॉप्स २४ मार्शलवरील
अंमलदार राजु वाकळे, अनिरुध्द ओव्हाळ, अजय जारे, माधव औताडे यांच्या पथकाने माहिती मिळालेल्या ठिकाणी धाव घेतली.
यावेळी म्हाडा कॉलनी इ बिल्डींग समोरील रोडवर एक बोलेरो गाडी क्र. एमएच ४५
ए ८४५८ ही अंधारामध्ये थांबलेली असल्याचे दिसुन आली. दरम्यान पोलिसांचे पथक सदर
गाडीपाशी जात असताना, पोलीस आल्याचा सुगावा लागल्याने तेथे दरोडा टाकण्याच्या
उद्देशाने आलेले एकुण ५ अनोळखी इसम अंधाराचा फायदा घेऊन पळून जाण्याचा प्रयत्न करु
लागले. त्यापैकी एका इसमास पोलीस अधिकारी कर्मचाऱ्यांनी पाठलाग करत शिताफिने पकडुन,
त्यास त्याचे नाव व पत्ता विचारले असता त्याने त्याचे नाव व पत्ता हे सोनु
कपुरसिंग टाक (वय.२९ वर्षे, रा. तुळजा भवानी वसाहत, चंटर शाळेमागे गाडीतळ, हडपसर, पुणे) असे सांगितले. तसेच नमुद इसमास ताब्यात घेवुन त्याचेकडुन २ लाख ५०
हजार रुपये किंमतीची बोलेरो गाडी, ३ लाख २५ हजार रुपये किंमतीचे चांदीचे दागिणे आणि १० हजार रुपये किंमतीचे
घरफोडीचे साहीत्य व प्राणघातक हत्यारे असा एकुण ५ लाख ८५ हजार रुपये किमंतीचा
मुद्देमाल जप्त करण्यात आला. पोलीस शिपाई अमित शेलार यांनी दिलेल्या फिर्यादी वरुन
सोनु कपुरसिंग टाक व त्याचे गुन्ह्यातील इतर साथिदारांविरुद्ध वारजे माळवाडी पोलीस
स्टेशन मध्ये गुन्हा दाखल करण्यात आला असुन, दाखल गुन्ह्याचा पुढील तपास सहायक पोलीस
निरीक्षक रणजित मोहिते करत आहेत.
वरील वृत्त खाली लिंक जोडलेल्या
आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर
जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या
भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! तुमच्या फेसबुक / ट्विटर वर टाकून आम्हाला tag करा.
खालील लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा
https://linktr.ee/checkmatetimes?utm_source=linktree_profile_share
