कर्वेनगर मध्ये सकाळच्या पहिल्या प्रहरी चोरीची घटना; साडेतीन लाखांची रोकड लांबवली

Checkmate Times, Pune City, Pune District, Pune Politics, Pune Crime, Pune Educational, Chekmet Times, checkmate news, chekmet news, election campaign, election news, political news, business news, Marathi news today, khadakwasla vidhan sabha, kothrud vidhan sabha, hadapsar vidhan sabha, parvati vidhan sabha, vadgaon sheri vidhan sabha, shivaji nagar vidhan sabha, kasba vidhan sabha, pune vidhan sabha

First morning robbery incident in Karvenagar; Cash worth three and a half lakhs theft

पुणे, दि. १ जुलै २०२५ (Checkmate Times): वारजे पोलीस स्टेशन हद्दीतील कर्वेनगर मध्ये सकाळच्या पहिल्या प्रहरी एका बंगल्यात अज्ञात चोरट्यांनी हात साफ केल्याची घटना समोर आली आहे. यामध्ये या चोरट्यांनी तब्बल ३ लाख ६० हजारांची रोकड लंपास केली असल्याबाबत वारजे पोलीस स्टेशन मध्ये गुन्हा दाखल करण्यात आला आहे. मात्र सकाळी सकाळी अनेक नागरिक मॉर्निंग वॉल्कला बाहेर पडलेले असतांना घडलेल्या या घटनेने परिसरात खळबळ उडाली आहे.

याबाबत पोलिसांनी दिलेल्या माहितीनुसार, कर्वेनगर मधील यशश्री कॉलनी मध्ये सदरील घटना घडली. यामधील ४१ वर्षीय फिर्यादींच्या बंगल्यात रविवार दि.२९ जून २०२५ सकाळी ५ वाजून ४० मिनिटांनी फिर्यादी हे झोपलेले असताना, त्यांच्या बेडरूमच्या गॅलरीच्या कडी नसलेला लाकडी दरवाजा उघडून, आतमध्ये प्रवेश मिळवत, बेडरूम मधील कपाटात प्लास्टिकच्या पिशवीत ठेवलेली ३ लाख ६० हजारांची रोकड अज्ञात चोरट्याने लंपास केली. तसे पाहता घटना घडलेली वेळ आणि ठिकाण पाहता, या भागात सकाळी मॉर्निंग वॉल्कला अनेक नागरिक बाहेर पडलेले असतात. मात्र असे असताना देखील चोरीची घटना घडल्याने या भागात नागरिकांमध्ये खळबळ उडाली आहे. यापूर्वी या रस्त्यावर राजाराम पुलापर्यंत महिलांच्या गळ्यातील दागिने हिसकावण्याच्या घटना घडल्या होत्या. मात्र आता थेट बंगल्यात घुसून, वरच्या मजल्यावरील बेडरूम पर्यंत चोरट्यांची मजल गेल्याने नागरिक आश्चर्य व्यक्त करत आहेत. पुढील तपास पोलीस अंमलदार भुजंग इंगळे पुढील तपास करत आहेत.

वरील वृत्त खाली लिंक जोडलेल्या आमच्या सर्व सोशल मिडिया साईटवर उपलब्ध आहे. माहिती महत्वाची वाटत असेल तर शेअर जरूर करा. याबाबत आपली काही प्रतिक्रिया असेल तर खाली कॉमेंट करू शकता. आपल्या भागातील समस्या आणि उपक्रमांची माहिती आमच्या 9730307227 या क्रमांकावर फक्त व्हाटस अप करा ! तुमच्या फेसबुक / ट्विटर वर टाकून आम्हाला tag करा. खालील लिंकवर क्लिक करून आम्हाला सोशल मिडीयाच्या सर्व प्लॅटफॉर्म’वर फॉलो करा

https://linktr.ee/checkmatetimes?utm_source=linktree_profile_share